Futbol

Kriştianu Ronaldu: “Gedə bilərəm”

18.05.2012 , 08:06

Portuqaliya milli komandasının futbolçusu Kriştianu Ronaldu gələcəkdə İspaniya “Real Madrid”ini tərk etməsinin mümkünlüyünü istisna etməyib. Korner.az-ın məlumatına görə, 27 yaşlı yarımmüdafiəçi İngiltərə “Mançester Yunayted”inin heyətində 6 mövsüm çıxış etdikdən sonra 2009-cu ildə “kral klubu”na keçib.

2011-2012-ci il mövsümündə o, 60 qol vurub. Ronaldu “Real Madrid”də çıxış etdiyi üçün özünü xoşbəxt saydığını etiraf edib. Lakin o, çox uzağa boylanmağa tələsmir: “Açığı, gələcəkdə nə baş verəcəyini bilmirəm və bunu heç kim bilməz. Hazırda dahi klubun bir hissəsi olmaqdan məmnunam. Lakin bu, 1-2 il ola bilər. Sonra isə… Hadisələrin inkişafını əvvəlcədən demək həmişə çətindir”.

Qeyd edək ki, Kriştianu Ronaldu iyunda komanda yığmadakı komanda yoldaşları ilə birgə Avropa çempionatına qatılacaq. Portuqaliyanın qrup rəqibləri Almaniya, Hollandiya və Danimarka olacaq.

Son yazılar

Yuxarı