Kriştiano Ronaldonun oğlu Junior Portuqaliya U-16 millisində debüt edəcək
21.10.2025 , 12:30
Portuqaliyalı hücumçu Kriştiano Ronaldonun oğlu Junior ilk dəfə Portuqaliyanın U-16 yığmasına dəvət alıb.
Korner.az xəbər verir ki, bu barədə Portuqaliya Futbol Federasiyası məlumat yayıb.
Junior 30 oktyabr – 1 noyabrda Türkiyədə keçiriləcək Gənclik Kubokunda iştirak edəcək. Antalyada təşkil olunacaq turnirdə Portuqaliya eyni yaş qrupundan olan Türkiyə, İngiltərə və Uels komandaları ilə qarşılaşacaq.
Qeyd edək ki, Ronaldonun oğlu bundan əvvəl U-15 millisində çıxış edib.
