.jpg)
"Milli komanda mənim ikinci evimdi. Bakıda oynamayacağıma görə çox məyus oldum. Əşyalarımı toplayıb birbaşa Madridə yollanmaq ən adi qərar olardı. Buna görə də, Bakıya gəlməyimin komandamız üçün çox vacib olduğunu düşündüm və belə də, etdim".
Korner.az-ın məlumatına görə, bu sözləri Portuqaliya millisinin ulduz futbolçusu Kriştiano Ronaldo martın 26-da millimizlə oyundan öncə açıqlama verərkən deyib.
Madrid "Real"ının futbolçusu Portuqaliya Futbol Federasiyasının rəsmi saytına açıqlamasında daha sonra bunları deyib:
"Komanda il birgə məşq edirəm. Oyun zamanı isə yoldaşlarıma azarkeşlik edəcəm. Yaxşı oyun sərgiləyib, qələbə qazana bilərik. Azarkeşlərimiz də bizdən bunu gözləyirlər".
Millisinin qrupdakı vəziyyətini dəyərləndirən Ronaldo Azərbaycan yığması haqda da danışıb:
"Bizə çox səhv etmək olmaz. İsraillə oyunumuz istədiyimiz kimi getmədi. Hələ Rusiyanı qabaqlamaq şansımız qalır. Biz ancaq bu haqda düşünməliyik.
Əminəm ki, Azərbaycan bizə qarşı tamamilə fərqli futbol sərgiləyəcək. Çünki hər komanda bizə qarşı ən yaxşı oyununu göstərmək istəyir. Bizi heç də asan sınaq gözləmir".
