Krespo “Fənərbağça”dan gedir?
30.07.2024 , 20:48
“Hall Siti” “Fənərbağça”dan Migel Kresponu heyətinə qata bilər.
Korner.az xəbər verir ki, Britaniya klubu Krespo ilə maraqlanır.
Ancaq portuqaliyalı yarımmüdafiəçi ilə bağlı bir inkişaf olarsa, bunun transfer dövrünün son hissəsində baş verəcəyi gözlənilir.
Futbolçu ötən mövsümün ikinci yarısını icarə əsasında “Rayo Valyekano”da keçirib.
“Fənərbağça”nın 2021-ci ilin yayında heyətinə qatdığı 27 yaşlı oyunçunun İstanbul təmsilçisi ilə müqaviləsi gələn il başa çatır.
“Fənərbağça”da 80 matça çıxan Krespo 5 qol vurub, 7 məhsuldar ötürmə edib.
