“Barselona”nın futbolçusu Felipe Koutinyo xoşa gəlməyən hadisə ilə üzləşib. Belə ki, futbolçunun Kataloniyadaki evi qarət olunub.
Koutinyo “Barselona” komandası ilə Londona səfər etməyib. UEFA qaydalarına əsasən Çempionlar Liqasının “Çelsi” ilə olan matçda komandasına kömək edə bilməyən futbolçu bundan istifadə edərək ailəsi və yaxınları ilə vaxt keçirmək qərarına gəlib. Kataloniyada restoranların birində ailəsi ilə şam yeməyi yeyən Koutinyo evinə yerli vaxtla saat 1:30-da çatıb.
Qaldığı məkana çatan və evinin qarət olunduğunu görən futbolçu dərhal polis əməkdaşlarına zəng vurub. İlkin araşdırmaya görə, futbolçunun evini orada təmir işləri ilə məşğul olanlar qarət edib.
