Koutinyo: “Mən indi ilə yaşayıram”
14.03.2019 , 14:00
Çempionlar Liqasının 1/8 final mərhələsinin cavab qarşılaşmasında “Lion” klubunun qapısına yol tapan Filip Koutinyo gələcək karyerası ilə bağlı danışıb.
Braziliyalı futbolçu “Barselona” klubunda özünü göstərmək üçün çox çalışdığını deyib. Gələcəyi ilə bağlı suala isə belə cavab verib:
“Son bir neçə həftədir, hətta aydır yaxşı oynaya bilmirəm, amma bunu dəyişmək üçün var gücümlə çalışıram. Barcelona`ya ən yaxşı oyunumu göstərmək üçün gəlmişəm. Hazırda indi ilə yaşayıram. Siz gələcəkdə nələrin olacağını bilmirsiniz.
Qeyd edək ki, Koutinyonun yay transfer dönəmində “Mançester Yunayted” klubuna satılacağı deyilir.
