İngiltərə Premyer Liqasında mübarizə aparan “Çelsi”nin futbolçusu Dieqo Kostaya yenidən Çin klubu “elçi” düşüb.
Korner.az-ın məlumatına görə, bu haqda İngiltərə mediası xəbər yayıb.
Qış transfer pəncərəsində təklif göndərən, lakin hücumçunu heyətinə qata bilməyən “Tianjin Quanjian” “Çelsi”yə təklif göndərib. Bildirilir ki, Çin klubu “zadəganlar”da həftəlik 175 min avro qazanan oyunçuya həftəlik 800 min avro təklif edib.
Xatırladaq ki, “Çelsi”yə “Atletiko”dan 38 milyon avro qarşılığında transfer olan və İngiltərə təmsilçisində 3-cü mövsümünü keçirən Kosta cari mövsümdə 35 oyuna 18 qol vurub və 6 məhsuldar ötürmə edib.
