“Çelsi”nin futbolçusu Dieqo Kostanın zədəsi haqda xəbər var.
Korner.az-ın məlumatına görə, bu barədə London klubunun baş məşqçisi Antonio Konte “Sky Sports”a açıqlamasında məlumat verib.
Mütəxəssisin sözlərinə görə, hücumçu növbəti oyunlarda komandasına kömək edə biləcək. Təcrübəli futbolçu İngiltərə Premyer Liqasının XXII turunda keçiriləcək “Hall Siti” ilə oyunda (22 yanvar) meydana çıxacaq.
“Çelsi”nin rəsmi məlumatında futbolçunun belindən aldığı zədəsinə görə ötən tur “Lester”lə oyunu (3:0) buraxmalı olduğu deyilir. Mətbuatın yaydğı qeyri rəsmi informasiyada isə Kostanın baş məqşçi Konte ilə arasında kiçik münaqişə olduğu və ispaniyalının Çinə yollanmaq istədiyi bildirilir. Bu barədə açıqlama verən Konte:
“Düşünürəm ki, futolçular “Çelsi”də oynamaq istəyirlər. Dieqo bizim komandada xoşbəxtdi. Çinə getmək fikri ondan uzaqdı. Sözümün üstündə dayanıram. Heç bir münaqişə olmayıb. Kosta zədəsinə görə ötən tur bizə kömək edə bilməmişdi. Son məşqdə bizimlə birlikdə idi və “Hall” ilə oyunda oynayacaq”, – sözlərini dilə gətirib.
