Kosovonun millimizlə oyun üçün heyəti açıqlandı: 23 legioner
09.11.2018 , 14:54
Futbol üzrə Kosovo millisinin UEFA Millətlər Liqasında Malta və Azərbaycanla oyunlar üçün heyəti açıqlanıb.
Kosovo yığmasının baş məşqçisi Bernar Şalland 24 futbolçuya dəvət göndərib. Maraqlıdır ki, Kosovo yığmasının heyətinə çağırılan 24 futbolçudan 23-ü legioner həyatı yaşayır:
Qapıçılar: Samir Uykani (“Rizəspor”, Türkiyə), Ariyenet Muriç (“Mançester Siti”, İngiltərə), Visar Bekay (“Priştina”);
Müdafiəçilər: Armi Rahmani (“Dinamo” Zaqreb, Xorvatiya), Fidan Aliti (“Skenderbeu”, Albaniya), Mergim Voyvoda (“Muskron”, Belçika), Ardin Dalku (“Vorskla”, Ukrayna), Leart Pakyarada (“Sandhauzen”, Almaniya), Bencamin Kololli, Mirlind Kryeziun (hər ikisi “Sürix”, İsveçrə), Arbenit Xemayli (“Ksamaks”, İsveçrə);
Yarımmüdafiəçilər: Bersant Tselina (“Suonsi”, İngiltərə), Valon Berişa (“Latsio”, İtaliya), Hekuran Kryeziu (“Sürix”, İsveçrə), Herolind Şala (“Start”, Norveç), İdriz Voka (“Lütsern”, İsveçrə), Besar Halimi (“Bröndbü”, Danimarka), Arber Zeneli (“Herenven”, Hollandiya), Milot Raşitsa (“Verder”, Almaniya), Edon Jeqrova (“Genk”, Belçika), Donis Avdiyay (“Villem II”, Hollandiya);
Hücumçular: Vedat Muriqi (“Rizəspor”, Türkiyə), Atdhe Nuhiu (“Şeffild Uenzdey”, İngiltərə), Lirim Kastrati (“Lokomotiva”, Xorvatiya).
Kosovo noyabrın 17-də səfərdə Malta, 20-də öz meydanında Azərbaycan millisi ilə qarşılaşacaq. Kosovo D Liqasının 3-cü qrupunda 8 xalla 1-ci, Azərbaycan isə 6 xalla 2-ci yerdədir.
