Kosovo – Azərbaycan oyununun stadionu müəyyənləşdi
30.08.2018 , 18:00
Millimizin UEFA Millətlər Liqasında Kosovo ilə səfər matçının stadionu müəyyənləşib.
Qarşılaşma Priştina şəhərindəki “Fadil Vokkri” arenasında keçiriləcək. UEFA əsaslı təmir işlərindən sonra lazımı meyarlara cavab verən stadiona Millətlər Liqasının oyunlarını keçirmək üçün lisenziya verildiyini açıqlayıb.
Qeyd edək ki, Kosovo – Azərbaycan matçı noyabrın 20-də oynanılacaq. Kosovolular bu arenada ilk oyunlarını isə sentyabrın 10-da Farer adaları yığmasına qarşı keçirəcək.
Xatırladaq ki, millimizin Millətlər Liqasında ilk oyunu da Kosovo yığması ilə Bakıda olacaq.
