Bu gün Lənkəranda yerli komanda ilə "Fənərbağça" arasında keçirilən yoldaşlıq görüşündən əvvəl Korner.az-ın əməkdaşı təzyiqlə üzləşib.
Belə ki, oyuna ezam olunmuş əməkdaşımız Səxavət Qurbanov mətbuat üçün akredatsiyası olduğu halda, matçdan əvvəl – futbolçular isinmə hərəkətləri edərkən qaçış zolağından uzaqlaşdırılıb. Buna səbəb "Fənər"in adını bilmədiyimiz bir xanım əməkdaşının şikayəti olub. O, əməkdaşımızın "Qalatasaray"ın formasında olmasını qıcıqla qarşılayaraq "Xəzər Lənkəran"ın mühafizəçilərindən kömək istəyib. Meydançadan çıxarılan əməkdaşımıza bildirilib ki, bu "sifariş"sarı-lacivərdlilər"ın prezidenti Əziz Yıldırımdan gəlib.
"Xəzər Lənkəran"ın mətbuat xidmətinin rəhbəri Hüseyn Cəbrayıloğlunun səyi ilə əməkdaşımız stadionun azarkeşlər üçün ayrılmış girişindən daxil olaraq media lojada otura bilib.
