“Konyaspor” Alassane Ndao ilə yolları ayırdı
11.12.2025 , 18:11
Türkiyənin “Konyaspor” klubu futbolçu Alassane Ndao ilə müqaviləyə xitam verib.
Korner.az xəbər verir ki, Super Liqa təmsilçisi seneqallı vingerlə anlaşmanı rəsmən ləğv edib və bununla bağlı Türkiyə Futbol Federasiyasına (TFF) məlumat göndərib.
28 yaşlı futbolçunun müqaviləsinin kəsilməsinə səbəb onun mərc oyunlarında iştirakı olub. Məhkəmənin qərarı ilə Ndao barəsində həbs tədbiri də seçilib.
Qeyd edək ki, “Konyaspor” Alassane Ndaonu 2024-cü ilin yanvarında “İstanbulspor”dan heyətinə qatmışdı. Təcrübəli oyunçu cari mövsüm “ağ-yaşıllar”la 11 rəsmi matçda iştirak edib, 2 qola və 3 assistə imza atıb.
