“Kubok oyunu bir oyundan ibarətdir. Öz meydanımızda oynamağımız üstünlüyümüz idi".
Korner.az-ın məlumatına görə, bu sözləri "Kəpəz" klubunun baş məşqçisi Mahmud Qurbanov "Qarabağ"la kubok oyunundan sonra deyib.
Əlavə vaxtda iki top buraxaraq məğlub olan Gəncə təmsilçisinin çalışdırıcısı yenilgini belə şərh edib:
“Qarabağ” topu özündə saxlamağı xoşlayan komandadır. 90 dəqiqə bərabər oyun getdi, təəssüf ki, əlavə vaxtda məğlub olduq. “Qarabağ”ın futbolçularının ustalıq səviyyəsi öz sözünü dedi. Komandanın oyunundan, mübarizə ruhundan razıyam. Komandanı qışda gücləndirmək lazımdır, bizə oyunun gedişini dəyişə biləcək oyunçular, lider lazımdır”.
