Almaniya yığmasının təcrübəli hücumçusu Miroslav Kloze Braziliya yığmasının əfsanəsi Ronaldonun rekorduna şərik olub.
Korner.az-ın məlumatına görə, “DÇ-2014″də Qana millisi ilə oyunda meydana çıxdığından cəmi 2 dəqiqə sonra fərqlənən Kloze mundiallarda vurduğu qolların sayını 15-yə yüksəldib.
Bununla da, 36 yaşlı futbolçu Ronaldo ilə birgə dünya çempionatlarında ən çox fərqlənən oyunçular sırasında yer alıb.
Almaniyanın mundialda yoluna davam etməsini nəzərə alsaq, Klozenin qarşıdakı oyunlarda da qol vuracağı istisna deyil.Bu təqdirdə o mundiallar tarixində yeni rekordun sahibi olacaq.
