İngiltərə Premyer Liqasının 17-ci turunda “Uotford”a 3 – 0 hesabı ilə məğlub olan “Liverpul”un baş məşqçisi Yürgen Klopp oyun haqda fikirlərini bildirib.
Korner.az-ın məlumatına görə, təcrübəli mütəxəssis oyunçuların səhvlərindən gileylənib:
“Bu matçda futbolçularım adi səhvlərə yol verdilər. İlk qolda qapıçı Adam Boqdan topa müdaxilə edə bilmədi. Hakim də o epziodda səhvə yol verdi.
Amma biz daha çox səhvlər etdik. İlk qolu buraxanda elə həmin anda ağlımızı itirdik və futbol oynamaq istəmədik. Daha yaxşı müdafiə oluna bilərdik. Bunun yalnız bir səbəbi ola bilər. Komandada özünəinam olmadığı üçün böyükhesablı məğlubiyyətlə üzləşdik”.
