Kimmix Almaniya millisinin oyununu buraxacaq
13.11.2025 , 19:45
Almaniya yığmasının təcrübəli yarımmüdafiəçisi Coşua Kimmix məşq zamanı xəsarət alıb.
Korner.az xəbər verir ki, 30 yaşlı futbolçunun sağ topuq oynağında problem müəyyən edilib.
“Bavariya” klubunun üzvü bu səbəbdən 2026-cı il dünya çempionatının seçmə mərhələsində Lüksemburqla keçiriləcək qarşılaşmada forma geyinə bilməyəcək. Buna baxmayaraq, o, komanda ilə birgə səfərə çıxacaq.
Lüksemburq – Almaniya oyunu sabah saat 23:45-də başlayacaq. Almaniya yığması hazırda qrup liderliyini qoruyur, Slovakiya isə top fərqinə görə ikinci yerdədir.
