Digər idman növləri

Kikboksinq üzrə dünya çempionu İtaliyada Azərbaycan bayrağını qaldırıb – VİDEO

01.11.2017 , 12:32

 Kikboksinq üzrə idman ustası dərəcəsinə malik azərbaycanlı Fəxrəddin İsgəndərov oktybarın 25-dən 29-dək İtaliyanın Marina di Karrara şəhərində keçirilən Dünya Çempionatında K-1 və lou-kik kateqoriyalarında iki qızıl medal qazanıb

Avropa və dünya çempionu turnirə Ukrayna milli komandasının heyətində qatılıb. O, 60 kq-dək çəki dərəcəsində çıxış edib.
“K-1 kateqoriyasında ilk döyüşüm braziliyalı qarşı oldu, qalib gəldim. Finalda polşalı idmançı ilə görüşdüm və onu elə ilk raundda nokauta saldım”, – F.İsgəndərov “Report”a bildirib.
Lou-kik kateqoriyasında isə finalda rəqib döyüşməkdən imtina edib və birincilik sevinci Ukrayna nümayəndəsinə nəsib olub.
Bununla azərbaycanlı idmançı iki müxtəlif kateqoriyada qızıl medal əldə edib.
Mükafatlandırma mərasimində F.İsgəndərov əlində Azərbaycan bayrağını tutub.
“Milliyyətcə azərbaycanlıyam. Xalqımın da qələbəm barədə məlumatının olmasını istəyirəm”, – idmançı vurğulayıb.
F.İsgəndərov məşqçisi Artyom Kritskiyə və Ukraynadakı Azərbaycan diasporuna, xüsusilə Hikmət Cavadova təşəkkürünü bildirib.

Videoya burdan baxa bilərsiz 

report.az

Son yazılar

Yuxarı