İran yığmasının baş məşqçisi Karluş Keyruş tutduğu vəzifədən istefa verib.
Korner.az-ın məlumatına görə, Keyruş DÇ-2014-ün F qrupunda Bosniya və Herseqovinaya 1:3 hesablı məğlubiyyətdən sonra bu qərarı qəbul edib.
Portuqaliyalı mütəxəssis oyundan sonra keçirilən mətbuat konfransında vəzifəsindən gedişini belə izah edib:
“İran yığmasını çalışdırmaq mənim üçün şərəflidir. Lakin son yeni müqavilənin imzalanması ilə bağlı federasiyadan heç bir təklif almamışam. Obrazlı desək, əgər yalnız bir tərəf toyun olmasını istəyirsə, toy olmayacaq. Yeni müqavilə ilə bağlı müraciət gözləyirdim. Ancaq bu, baş vermədi. Buna görə də istefa vermək qərarına gəldim”.