“Keşlə”nin rəqibləri müəyyənləşdi
03.01.2020 , 18:53
Məlum olduğu kimi, “Keşlə” yanvarın 12-dən 24-dək Türkiyədə təlim-məşq toplanışında olacaq.
Korner.az xəbər verir ki, paytaxt təmsilçisi toplanış çərçivəsində 3 yoxlama matçı keçirəcək.
Komanda yanvarın 17-də Almaniyanın “Zviçkau” klubu ilə üz-üzə gələcək. “Keşlə”nin növbəti rəqibi Tula “Arsenal”ı olacaq. Rusiya təmsilçisi ilə qarşılaşma yanvarın 22-də baş tutacaq. Paytaxt təmsilçisinin sonuncu rəqibi isə ayın 24-də qarşılaşacağı Slovakiya “Zemplin”i olacaq.
Oyunların başlama saatları barədə əlavə məlumat veriləcək.
