“Keşlə”nin legioneri: “Bura gəlməyim Allahın işidi”
03.11.2018 , 20:23
Topaz Premyer Liqasının X turunda “Neftçi” “Keşlə”nin qonağı olub. Oyun qonaqların 1:0 hesablı qələbəsi ilə yekunlaşıb.
Oyundan sonra “Keşlə”nin futbolçusu Conatan Aiti matç haqda danışıb. Onun sözlərinə görə, komanda elə də pis oyun göstərməyib:
“Maraqlı oyun alındı. Xeyli qol epizodlarımız oldu, lakin təəssüf ki, fərqlənə bilmədik. “Qarabağ”la oyunda da belə olmuşdu. Epizodlardan yararlana bilmədik. Ümumilikdə, komanda yaxşı durumdadır, keyfiyyətimiz var. Amma təəssüf ki, yorğunluq öz təsirini göstərdi.
Aiti özünün oyununu da dəyərləndirib: “Mənim vəzifəm göründüyü kimi asan deyil. Bizim, hücumçuların bütün diqqəti oyunda olmalıdı. Elə vaxt olur, bir epizoda qol vura bilirik. Bəzən isə onlarla imkan olur, amma istəyimizə çata bilmirik. Hücumçunun işi asan deyil. Düşünürəm ki, gələcəkdə daha çox qol vuracam. Mən də bilirəm ki, hamı məndən qol gözləyir”
Toqolu futbolçu çempionatın favoritləri olan “Neftçi” və “Qarabağ”ı müqayisə edib: Müqayisə etmək çətindi. Amma demək olar ki, “Qarabağ” “Neftçi”dən daha yaxşı oynayır. “Neftçi”nin yaxşı hücumçusu var, hər zaman fərq yarada bilər. “Qarabağ” isə daha çox topla oynayan komandadır, “Neftçi” fərdi oyunçuların keyfiyyəti baxımından öndədir.
Aiti Azərbaycana gəlməsi haqda da danışıb: “Bura gəlməyimi geriyə addım saymıram. Mən bu komandaya kömək etmək istəyirəm. “Keşlə” Azərbaycanda böyük komanda olmaq istəyir. Öz təcrübəmi ortaya qoyacam. Əlbəttə, böyük klublarda da oynanaq istəyirəm. Ancaq “Keşlə” prezidenti mənə inanır, məşqçi mənə inanır. Bura oynamaq üçün gəlmişəm.
“Keşlə”nin hücumçusu İngiltərənin “Fulhem” komandasında oynayan qardaşı haqda verilən suala belə cavab verib: “Qardaşımı daha uğurlu hesab edirəm, əlbəttə, istedadlı oyunçudur. Allahın işidi, o ordadı, mən burda. Bura böyük ölkədir, burada oynamaq elə də pis deyil”
