“Keşlə”dən növbəti transfer – Rəsmi
30.06.2020 , 17:02
“Keşlə” heyətini yeni futbolçu ilə gücləndirib.
Korner.az xəbər verir ki, paytaxt klubu Cavid İmamverdiyev ilə müqavilə imzalayıb. Bu barədə klubun mətbuat xidməti məlumat yayıb.
Karyerası ərzində ölkəmizdə “Karvan”, “Neftçi” və “Sumqayıt”da oynamış yarımmüdafiəçi, Türkiyədə “Elazığspor” komandasının da şərəfini qoruyub. Onun son klubu “Sabah” olub.
Qeyd edək ki, Cavid İmamverdiyev Azərbaycan milli komandasının heyətində 11 oyun keçirib və 1 qol vurub.
