"Qalatasaray"ın UEFA Kubokunu qazandığı heyətdə olan Alper Tezcanın vəziyyəti yaxşı deyil.
Korner.az-ın məlumatına görə, futbolçu maddi sıxıntılar içərisindədi.
2000-ci ildə "Bolonya" ilə matçda ayağını sındıran futbolçu hadisənin yaratdığı fəsadları hələ də yaşayır.
Keçirdiyi 10-a yaxın tibbi əməliyyata rəğmən futbola qayıda bilməyən futbolçu karyerasını bitirdikdən sonra da müalicəsini davam etdirmiş və əlində olan var dövlətini səhhəti üçün xərcləmişdi. Buna görə də müxtəlif işlərdə çalışan Alper hazırda Türkiyə xalqından kömək istəyir.
Yaşadığı sıxıntıya görə çempionluq medalını da satan Alper Tezcanın yardım istəyi türk mətbuatının əsas xəbəri olub.
