Bu gün Topaz Premyer Liqasının VI turu çərçivəsində keçirilmiş AZAL – "İnter" qarşılaşmasından sonra (0:0) keçirilən mətbuat konfransında baş məşqçilərin fikirləri belə olub.
Kaxaber Tsxadadze: "AZAL ötən ildən fərqli olaraq, indi daha yaxşı təsir bağışlayır. Bu komandada intizam çatışmırdı, ancaq həmkarım bu qüsuru aradan qaldırıb. Birinci hissədə hava şəraiti bizə mane olurdu. Fasilədən sonra üstünlüyü ələ keçirdik. Rəqibin hücumçularının təhlükəli olduqlarını bilirdik, buna görə də 3 mərkəz müdafiəçi buraxmışdıq"
Vaqif Sadıqov: "Bəlkə də baxımlı oyun göstərə bilmədik. Ancaq sevinirəm ki, məğlubiyyətsizlik seriyasını davam etdiririk. Junior bu oyuna zədəli çıxmışdı, Taqim isə əməliyyatdan sonra tam özünə gələ bilməyib. Çox ağır qrafiklə oynayırıq. Üstəlik, süni ot örtüklü meydançadan sonra təbii ot örtüklü meydançada oynamaq asan deyildi".
