"İnter" komandasının rəhbərliyi Türkiyə toplanışının nəticələrinə dair yekun görüş keçirib.
Korner.az-ın klubun rəsmi saytına istinadən verdiyi məlumata görə, komandanın baş məşqçisi Kaxaber Sxadadze toplanışın yekunları barədə qısa məruzə edib və 24 gün davam edən toplanış ərzində böyük iş görüldüyünü diqqətə çatdırıb.
Toplanış çərçivəsində keçirilən yoxlama matçlarında nümayiş etdirilən komanda oyununa görə hər bir futbolçuya minnətdarlığını bildirən gürcüstanlı mütəxəssis komandanın qarşısında böyük hədəflər dayandığını və "İnter"in hər bir üzvünün bu məqsədə doğru can atmalı olduğunu bildirib.
Komandanın direktoru Natiq Məmmədov isə toplanışın uğurla başa çatdığını vurğulayıb və Premyer Liqanın ikinci hissəsində keçiriləcək qarşılaşmalarda məşqçilər korpusuyla yanaşı, hər bir futbolçuya müvəffəqiyyətlər arzulayıb.
Əlavə edək ki, "İnter" komandası "Şəfa" stadionunda fevralın 6-da toplaşacaq
