UEFA Avropa Liqasının birinci təsnifat mərhələsində Finlandiyanın “Mariehamn” komandası ilə bakıda bərabərə qalan (1:1) “İnter” bu gün cavab oyununun hazırlıqlarına başlayıb.
Korner.az-ın klubun saytına istinadən yaydığı xəbərə görə, “Marieham”-“İnter” görüşü təbii örtüklü meydanda keçiriləcəyinə görə, komanda da bu matçın hazırlığını məhz təbii örtüklü meydanda keçirilməsini lazım bilib.
“İnter”in baş məşqçisi Kaxaber Sxadadze “Mariehamn”la cavab görüşünə komandanın necə və harda hazırlaşacağı barədə danışıb:
“Finlərə qarşı keçirilmiş ilk görüşdən sonra komandamız “Şəfa” stadionunda bərpa xarakterli məşqə çıxıb. Bir gün əvvəl “Mariehamn”a qarşı meydana çıxmış futbolçular bərpa prosedurlardan keçiblər. Digər oyunçular isə fərdi qrup şəkildə məşq ediblər. Bildiyiniz kimi, cavab matçı təbii örtüklü meydanda keçiriləcək və məhz buna görə biz bu oyunun hazırlığlarını təbii tipli meydanda keçməliyik. Bu səbəbdən biz “Neftçi” klubuna və şəxsən klubun prezidenti Sadıq Sadıqova müraciət etmişik. Ondan xahiş etdik ki, “Mariehamn”la cavab görüşünün hazırlığlarını İsmət Qayıbov adına stadionda keçək və o də bizim xahişimizə müsbət cavab verib. Buna görə də “Neftçi”nin prezidenti Sadıq Sadıqova təşəkkürümü bildirirəm. Bu gün axşam saatlarında baş tutacaq məşqi məhz İsmət Qayıbov adına arenasında baş tutmasını planlaşdırırıq, bundan başqa digər məşqlərimizi də bu stadionda keçirmək istəyirik”.
Qeyd edək ki, “Mariehamn”-“İnter” matçı iyulun 11-də keçiriləcək.
