Bakının “İnter” klubunun sabiq çalışdırıcısı Kaxaber Sxadadze “Kayrat”dakı işlərindən danışıb.
Korner.az-ın məlumatına görə, Qazaxıstan mətbuatına açıqlamasında o, komandasındakı iki futbolçu – Anatoli Timoşşuk və Andrey Arşavin haqqında xoş sözlər deyib.
“Bu iki futbolçu komandanın uğuru üçün əllərindən gələni edir. Timoşşukla daha tez dil tapdıq. Onun insani keyfiyyətlərini bir sözlə ifadə edə bilərəm: əladır! Eyni şeyi Arşavin haqqında da deyə bilərəm. O, komandanın maraqları üçün oynayır. Hər ikisinin yüksək səviyyədə təcrübəsi var və bu, “Kayrat”a çox fayda verir. Yeri gəlmişkən, “Teuta” ilə oyundan sonra Arşavin məni Arsen Vengerə bənzətdiyini dedi. Səbəbini soruşduqda isə cavab verdi ki, “Arsenal”da oynayarkən Venger də onu 70-75-ci dəqiqələrdə əvəzləyirmiş”, – deyə Sxadadze bildirib.
