Karvaxal “Real”dan ayrılır – Qərar verildi
10.02.2026 , 16:07
“Real Madrid” rəhbərliyi Dani Karvaxalla bağlı qərarını açıqlayıb.
Korner.az xəbər verir ki, Madrid nəhəngi mövsümün sonunda müqaviləsi başa çatan ispaniyalı müdafiəçi ilə yollarını ayırmağa hazırlaşır.
Xarici KİV yazır ki, klub təcrübəli futbolçuya yeni müqavilə təklif etməyəcək.
Beləliklə, 34 yaşlı sağ cinah oyunçusu yayda azad agent kimi “kral klubu”ndan ayrılacaq. Karvaxala Türkiyə, Səudiyyə Ərəbistanı və ABŞ MLS liqasından bir sıra komandaların maraq göstərdiyi qeyd olunur.
Xatırladaq ki, Dani Karvaxal “Real Madrid”in yetirməsidir. İspaniya millisinin üzvü bu mövsüm paytaxt klubunun heyətində 10 rəsmi qarşılaşmada iştirak edib.
