Xəzər Lənkəran klubunun baş məşqçisi Karles Martorell Bakes Topaz Premyer Liqasının XIII turu çərçivəsində keçirilən "Xəzər-Lənkəran"-"Bakı" oyununu şərh edib.
Korner.az-ın məlumatına görə, baş məşqçi oyunçuların ustalıq səviyyəsindən narazı olmadığını bildirib. "Rəqib layiq olduğu qələbəni qazandı. Azərbaycanda çox oyunlar izləmişəm. Elə məsələlər var ki, onları 2 günə həll etmək olmur. Oyunçuların ustalıq səviyyəsindən narazı deyiləm. Futbolçuların sayı azdı. Əvəzedici heyətdən gətirdiyim oyunçularla birgə cəmi 13 futbolçu var. İndi yay mövsümü olsa, transfer dövrü olsa nəsə deyə bilərdim. İndi vaxtımız azdı və bütün oyunlarda qələbə qazanmalıyıq".
