İngiltərə Premyer Liqasında mübarizə aparan “Çelsi”nin futbolçusu Nqolo Kanter daha bir mükafata layiq görülüb.
Korner.az-ın məlumatına görə, yarımmüdafiəçi bu dəfə İngiltərə Futbol Yazıçıları Biriliyi tərəfindən ilin oyunçusu seçilib.
300-dən çox jurnalistin iştirak etdiyi səsvermədə birinci Kante olub. İkinci yerə onun komanda yoldaşı Eden Azar, üçüncü yerə isə Dele Alli layiq görülüb.
Qeyd edək ki, Kante son olaraq İngiltərə Peşəkar Futbolçular Assosiasiyası tərəfindən ilin futbolçusu seçilmişdi.
