Bu gün ölkə çempionatının XV turu çərçivəsində, “Səbail” “Keşlə” komandaları üz-üzə gəldi. Oyun 1-1 hesabla nəticələndi.
Oyundan sonra “Keşlə”nin futbolçusu Kamran Ağayev jurnalistlərə açıqlama verib:
– Nəticəylə bağlı fikirlərini öyrənmək istərdik.
– İlk oyundan çox şey demək olmur, amma onu deyə bilərəm ki, öz oyunumdan narazı qaldım. Gələcək oyunlarda hər şeyin daha yaxşı olacağına ümid edirəm.
– Səncə bu heyət yaxşı nəticə əldə edə biləcəkmi?
– Əgər baş məşqçi bizi seçibsə, deməli onu razı salan məqamlar var. Biz özümüzə inanmırıqsa, niyə bu sənətlə məşğul olaq ki? Sadəcə meydan amili var ki, bizi çox narahat edir. Kənardan yaxşı görünür, amma bərbad vəziyyətdədir. Məşq edərkən belə çox ehtiyatla hərəkət edirik ki, zədələnməyək.