"Bu uğuru qazanmaq asandır, ancaq qorumaq çətindir".
Korner.az-ın məlumatına görə, bu sözləri "Xəzər-Lənkəran" klubunun qapıçısı Kamran Ağayev deyib. Ötən mövsümün ən yaxşı qapıçısı seçilməsi haqda danışan Ağayev daha sonra bunları dedi:
"Ötən mövsümün ən yaxşı qapıçısı seçildiyim üçün şadam. Ötən mövsüm zədələrə görə bir qədər yaxşı çıxış edə bilmədiyimdən bu mükafatı qazanacağıma o qədər də inanmırdım. Onu da deyim ki, Azərbaycanda kifayət qədər peşəkar həttə deyərdim ki, Avropa səviyyəli qapıçılar var. Komandam üçün əlimdən gələni etmişəm və bundan sonra da edəcəm.
Onui bu mükafata layiq görənlərə təşəkkürünü bildirən "ən yaxşı qapıçı" yoldaşı Kamal Bayramovun da yetərincə peşəkar qapıçı olduğunu bildirib:
"O, Avropada çıxış etməyə layiq olan futbolçudur. Lakin, Kamalın üzərində təzyiqlər çoxdur".