Qış transfer pəncərəsində “Kayserispor”a transfer olunan Kamran Ağayev müsahibə verib:
– “Kayserispor”da işlərin necə gedir, komandaya uyğunlaşa bilmisən?
– Hər şey yaxşıdır, deməl olar ki, komandaya tam uyğunlaşmışam. adaptasiyam elə də çətin olmadı, burda mehriban bir kollektivimiz var, inanmıram ki, çətinlik çəkəm.
– “Beşiktaş”la oyunda debüt etsən də, çempionat oyunlarında səni qapıda görə bilmirik. Bunun səbəbi nədir?
– Hər bir komandada rəqabət olmalıdır, məşqdə biz rəqabət üçün yox komandaya xeyir vermək üçün çalışırıq. Baş məşqçinin şans verəcəyi təqdirdə meydanda komandamın uğurları üçün əlimdən gələni etməyə hazıram. Şans verməsə də, əsas odur komandam qələbə qazansın. Ancaq sona qədər çalışacam ki, özümü yaxşı tərəfdən göstərib çempionat oyunlarında da meydanda olum
– “Beşiktaş”la oyundan sonra baş məşqçi ilə aranızda hansısa söhbət oldu?
– Qapıda yaxşı dayanmaq bizim işimizdir, yoxsa kiməsə özümü göstərmək və ya özümüzü sübut etməyə görə meydana çıxmırıq. Baş məşqçi oyundan əvvəl nə tapşırıq vermişdisə, oyunda da bunu etməyə çalışdıq. Hələlik baş məşqçi ilə təkbətək söhbətim olmayıb.
– Sözügedən qarşılaşmadan sonra yerli bir azarkeşə etdiyin jestlə özünü yeni komandanın tərəfdarlarına sevdirə bildin…
– Bu hadisə ani oldu, azarkeş oyundan sonra gəldi məni qucaqladı, ilk olaraq bilmədim nə deyir. Sonra başa düşdüm ki, əlcək istəyir. Gördüm ki, mühafizə xidməti bunu qucaqlayıb uzaqlaşdırmaq istəyir, mən də əlcəkləri həmin azarkeşə verdim və mühafizəçilərə də dedim ona toxunmayın, o komandamız üçün burdadır. Qaldı ki, əlcək verməyə, bu hal birinci dəfə deyil, “Xəzər Lənkəran” və digər çıxış etdiyim komandalarda azarkeşlərə həmişə forma və əlcək
Sportal.Az