İtaliya nəhəngi “İnter”in ulduz futbolçusu Esteban Kambiasso son vaxtlar etirazlara səbəb olan “Qalatasaray”ın baş məşqçisi Roberto Mançini haqda açıqlama verib.
Korner.az-ın məlumatına görə, Kambiasso verdiyi açıqlama ilə Mançiniyə dəstək olub.
Əfsanəvi futbolçu bunları da dilə gətirib: “Mançini məni “İnter”ə transfer edən adamdır. Böyük işlərə imza atdı. O, komandaya gəlməmişdən əvvəl “İnter” heç nə qazanmamışdı. Amma Mançini gələndən sonra komanda qazanmağın yollarını öyrəndi. Komandanı tamamilə dəyişdirdi. Mançini böyük adamdır”.
