Kamavinqadan “Real”da gərginlik iddialarına cavab
28.11.2025 , 15:31
“Real”ın yarımmüdafiəçisi Eduardo Kamavinqa komanda daxilində gərginlik yaşandığına dair iddialara münasibət bildirib.
Korner.az xarici KİV-ə istinadən xəbər verir ki, fransalı futbolçu bu xəbərləri təkzib edib və komandanın atmosferinin yaxşı olduğunu vurğulayıb:
“Paltardəyişmə otağında problem var? Bu iddialar mediadan çıxır. Əksinə, soyunma otağımızın əvvəlkindən daha yaxşı olduğunu görürəm. Qələbələr üçün və baş məşqçimiz naminə hər şeyi edəcəyik”.
Son günlər mətbuatda Madrid təmsilçisinin baş məşqçisi Xabi Alonso ilə komandanın bəzi futbolçuları arasında mümkün narazılıqların yarandığı barədə məlumatlar yayılırdı.
“Real” çərşənbə günü Çempionlar Liqasının oyununda “Olimpiakos”u 4:3 hesabı ilə məğlub edib. Komanda növbəti matçını bazar günü La Liqada “Jirona”ya qarşı keçirəcək.
