Kalulu hakim səhvinə baxmayaraq cəzasını çəkəcək
17.02.2026 , 17:39
İtaliya A Seriyasında qəribə bir hadisə yaşanıb.
Korner.az xəbər verir ki, hakimlər öz səhvlərini etiraf etsələr də, intizam qərarı qüvvədə qalmaqda davam edir.
Ötən turun qərarlarında “Yuventus” müdafiəçisi Pyer Kalulu da cəzalı futbolçular siyahısına daxil edilib.
Hakimlər Komitəsinin sədri Canluka Rokki ikinci sarı vərəqənin səhv verildiyini açıqlayıb və üzr istəyib. Buna baxmayaraq, reqlamentə görə qərar protokolda qeydə alındığı üçün ləğv edilməyib və Kalulu 1 oyunluq cəza alıb.
Müdafiəçi fevralın 21-də “Komo” ilə keçiriləcək matçda iştirak edə bilməyəcək.
