"Biz öz işimizlə məşğuluq. Prezident Elmir Əliyev öz vəzifəsində, baş məşqçi Fuad İsmayılov futbolçu axtarışında. Biz öz işimizi görürük. Qalanı boş-boş söhbətlərdi". Bu sözləri Korner.az-a açıqlamasında "Kəpəz"in mətbuat xidmətinin rəhbəri Məqsəd Rəhimov deyib. Son vaxtlar Gəncədə fəaliyyət göstərən "Xəmsə" fan klubunun "Kəpəz" komandasının rəhbərliyini istifaya səsləməsinin şahidi olduq.
Məsələ ilə bağlı isə Rəhimov bunları dedi:
"Bəli bu barədə məlumatımız var. Ancaq sizə belə bir söz deyim bu fikirlər ümumi "Kəpəz" azarkeşləri tərəfindən deyilsəydi, biz də başa düşərdik. Lakin bu fikirlər sadəcə Adil Məmmədova aiddir. Adil bəydə sadə azarkeşdir. Biz bu fikirlərə görə azarkeşə qadağa qoya bilmərik. Təbii ki, deyə bilərlər " belə çıxır "Kəpəz" rəhbərliyi azarkeşlərin fikrini ciddiyə almır?". Amma yox bu belə də deyil. Biz azarkeşlərin fikrinə önəm veririk. Sadəcə olaraq yenə deyirəm bu stadiona toplaşan 10.000 azarkeşin düşüncəsi deyil. Bunu sadəcə olaraq Adil Məmmədov belə deyir. Bundan başqa "Xəmsə" fan klubunu biz rəsmi götürməmişik. Onlar komandaya dəstək olmaq istədilər. Ola bilsin, komandanın uğursuz çıxışlarına görə rəhbərliyi tənqid etsin. Lakin gəlin "Qarabağ"ı misal götürək. 3 il ard-arda Avroliqada bizi layiqincə təmsil edən bir klub bu mövsüm kənarda qaldı. Onda ağdamlılar Qurban Qurbanovu istifaya səsləsin? Yoxsa bütün rəhbərliyi? Uzun sözün qısası, belə söz-söhbətləri rəsmi qəbul etmirik. Və ən əsası odur ki, bizim azarkeşlərlə heç bir problemimiz yoxdur".
