“Zirə” və “Keşlə” yarımfinalda
07.02.2021 , 19:30
Bu gün Azərbaycan kubokunun 1/4 final mərhələsinin son cavab oyunları keçirilib.
Korner.az xəbər verir ki, “Kəpəz” doğma meydanda ilk matçda 0:1 hesabı ilə uduzduğu “Keşlə”ni qəbul edib. Bakı klubu səfərdə 2 cavabsız qolla qələbə qazanmaqla yarımfinala yüksəlib.
Mərhələnin sonuncu matçında isə “Neftçi” ilk qarşılaşmada 0:1 hesabı ilə məğlub olduğu “Zirə”nin qonağı olub. Matçda hesab açılmayıb. Bununla da “Zirə” yarımfinalda “Keşlə”nin rəqibi olub.
Ötən gün keçirilən oyunlardan sonra “Sumqayıt” və “Qarabağ” yarımfinala yüksəlib.
7 fevral
14:30. “Kəpəz” – “Keşlə” – 0:2
Hakimlər: Elçin Məsiyev, Pərvin Talıbov, Kamran Bayramov, Kamal Umudlu
Gəncə şəhər stadionu, (İlk oyun 0:1)
17:30. “Zirə” – “Neftçi” – 0:0
Hakimlər: İnqilab Məmmədov, Eyyub İbrahimov, Nahid Əliyev, Kamranbəy Rəhimov
Zirə İdman Kompleksinin stadionu, (İlk oyun 1:0)
6 fevral
“Qəbələ” – “Qarabağ” – 0:3
“Səbail” – “Sumqayıt” – 1:2