“Kəpəz” Bakı hazırlığını başa vurdu

Topaz Premyer Liqasının 16-cı turunda “Keşlə”ni qəbul edəcək “Kəpəz” bu oyunun əsas hazırlığını başa vurub

Həftəboyu Bakıda məşq edən komandanın oyun öncəsi son hazırlığı Gəncə şəhər stadionunda olacaq. Matçın keçiriləcəyi arenada keçiriləcək çalışma fevralın 17-də saat 17:00-da başlayacaq. Məşq prosesi azarkeşlər və mətbuat üçün açıq xarakter daşıyacaq.  

Qeyd edək ki, “Kəpəz” – “Keşlə” görüşü fevralın 18-i saat 15:00-da başlayacaq.