10 il bundan öncə “Kəpəz”ə rəhbərlik etmiş Pərviz Yusibovun klubun bu vəziyyətə düşməsində hazırkı rəhbərliyi qınaması, prezident Mehman Allahverdiyevi işinin öhdəsindən lazımınca gəlməməkdə günahlandırması qarşı tərəfin xoşuna gəlməyib.
Korner.az-ın məlumatına görə, Mehman bəy Yusibovun dedikləri ilə razılaşmır.
O, keçmiş zabitin düzgün danışmadığını bildirir: “Onun dedikləri mənim üçün maraqlı deyil. Nə deyir desin, eybi yoxdu. Mən onun fikirlərinə hörmətlə yanaşıram. Vaxtilə komandada prezident işləyib. Dost-tanışı başıma yığmışam deyir. Tahir Mirzəyev “qara” işlərlə məşğuldu. Nofəl Əzizov isə sənəd işlərinə baxır. Onlar işlərinə peşəkar yanaşırlar, buna nə dostluq lazımdı? Pərviz özü işlədiyi vaxtlarda bacanağını komandaya vitse-prezident təyin etmişdi, biz heç bunu deyirdik? Bacanağı da bir dəfə sponsor Ruslan Məmmədova demişdi ki, “siz stadiona gəldiz, ayağınız düşmədi və komanda uduzdu”. Budu qeyri-peşəkarlıq”
xemsefans.com
