“Kəpəz”də qalmaqal – İbrahimovun kadrları dalaşdılar
03.02.2026 , 10:55
“Kəpəz”in idarəetməsindəki qüsurlar hər yeni gün özünü göstərməkdədir. Klubunun düşərgəsində yeni qalmaqal yaşanır. Bu dəfə “sarı-göylər”in rəsmiləri arasında ciddi mübahisə düşüb. Lisenziyalaşdırma meneceri Səbinə Hənifəyeva ilə Təhlükəsizlik xidmətinin rəisi Nicat Məmmədovun mübahisəsinin davaya çevrilməsinə ətrafdakılar icazə verməyib. Tərəflər bir-birilərinin ünvanına xoş olmayan ifadələr işlədiblər. Əldə etdiyimiz məlumata görə, bir-biri ilə yola getməyən iki kadr arasında mövsümün əvvəlindən münasibətlər gərgindir. Vəzifəsinin əsas istiqamətini klub rəhbərliyini qorumaqda görən Nicat Məmmədov iş yoldaşının oyunlar zamanı VİP-də oturmasını həzm edə bilmir. Onlar arasında sonuncu hay-küy isə Məmmədova aid sənədlə bağlı yaranıb. Maraqlıdı ki, qalmaqal zamanı klubun İnfrastruktur rəhbəri, müşavir Fərman Əlizadənin qrup yoldaşı Ruslan Məmmədov da bazada olub. Sən demə, onun konfrans zalında “PG” oynadığı üçün başı qarışıq imiş. Və vəziyyətə müdaxilə etməyib.
Xatırladaq ki, həm Səbinə Hənifəyeva, həm də Nicat Məmmədov köhnə rəhbərlikdən qalma kadrlardır. Onların hər ikisi Cabir İbrahimov klubun icraçı direktoru olduğu zamandan orada çalışır.
Azər
