“Kəpəz” Türkiyədəki təlim-məşq toplanışını başa vuraraq bu gün vətənə qayıdır. Komanda Ərzurumda olduğu 10 gün ərzində gündə iki dəfə məşq edib.
Futbolçular fiziki, texniki və taktiki çalışmalar üzərində işləyib. Ərzurum hazırlığı dövründə “sarı-göylər” 3 yoxlama oyunu keçiriblər. Gəncə klubu Türkiyənin 1-ci liqa təmsilçiləri ilə qarşılaşıb. “Kəpəz” ilk oyunda “Samsunspor” (1:2), daha sonra “Ankaragücü” (0:2), son yoxlama matçında isə “Elazığspor”la (0:0) görüşüb.
Qeyd edək ki, “Kəpəz” artıq 3 ildi ki, mövsümöncəsi yay təlim-məşq toplanışını Ərzurumda keçirir.
