Avropa Liqasının I təsnifat mərhələsində keçiriləcək “Kəpəz” – “Daçiya” (Moldova) oyununun biletləri satışa çıxarılır.
Korner.az-ın klubun rəsmi saytına istinadən verdiyi məlumata görə, bilet satışı həm Bakıda, həm də Gəncədə təşkil olunacaq.
Azarkeşlər paytaxtda iyunun 27-i saat 14:00-dan 19:00-dək, iyunun 28-i isə saat 12:00-dan 16:00-dək Respublika stadionunun kassasından, saat 17:00-dan sonra “Dalğa Arena”nın kassasından bilet ala bilərlər. Gəncədən bilet almaq istəyənlər üçün satış iyunun 28-i saat 10:00-dan 14:00-dək şəhər stadionunun kassasında olacaq.
