“Kəpəz” əvəzedicilərinə qalib gəldi

“Kəpəz” mövsümün ikinci yarısının hazırlıqlarını davam etdirir. Gəncə təmsilçisi bu gün ilk yoxlama matçına çıxıb. 

Yunis Hüseynovun komandası Azərbaycan Dövlət Bədən Tərbiyəsi və İdman Akademiyasının meydanında klubun əvəzedici heyəti ilə qarşılaşıb və 1:0 hesabı ilə qalib gəlib. Oyunda yeganə qolu yeni transfer Murad Səttarlının ötürməsindən sonra Tural Rzayev vurub.

“Kəpəz” Bakı hazırlığında ikinci yoxlama oyununu I Divizion təmsilçisi “Sabah”a qarşı keçirəcək.