Çempionlar Liqasında III təsnifat mərhələsinin cavab görüşləri çərçivəsində "Neftçi" İsraildə 0:4 hesablı məğlub olduğu "Hapoel"i qonaq edir. İlk oyunda qeydə alınan hesab demək olar ki, növbəti mərhələyə çıxa bilməmə şanslarımızı böyükölçüdə həll edib. Bəs jurnalistlər nə fikirləşir? Korner.az-ın keçirdiyi sorğuda media əhli demək olar ki, "Neftçi"yə inanmır.
Natiq Muxtarlı (“Komanda” qazeti) : “Səfərdəki məğlubiyyətdən, ən əsası biabırçı oyundan sonra "Neftçi"dən nəsə gözləmək sadəlövhlük olardı. mən futbolşuları da qınamağın əleyinəyəm. səfərdəki məğlubiyyət və biabırçı oyun məşqçilər korpusunun vicdanına yazılmalıdı. hər kəsə məlum idi ki israil komandası "Neftçi"ni "Zestafoni" ilə bakıda keçirilən oyuna əsasən incələyəcək və buna uyğun da taktika qurulacaq. Ona görə də məşqçilər taktiki dəyişiklik etməliydilər. amma onlar oyuna eyni taktika ilə çıxdılar və biabır oldular. Ona gprə də inanmıram ki, Tərlan Əhmədov Bakıdakı oyunda hansısas tatktiki gedişlə israillilərə sürpriz etsin. "Hapoel"in arxayın oynayacağını nəzərə alsaq düşünürəm ki, "Neftçi”nin gücü yaxşı halda minimalhesablı qələbə qazanmağa yetər”.
Elçin Cəlilov (Futbolpress.az” saytı): “Bu oyunun əhəmiyyəti yoxdu. "Hayfa" da "Zestafoni" deyil ki, alıb, istədiyini edəsən. “Neftçi”nin əsl mahiyyəti və gücü İsraildə göründü. Artıq cavab qarşılaşmasına hansısa proqnoz verməyim falçılıqdan başqa nəsə olmayacaq. Hər halda, gözləyək görək Avropa Liqasının “pley-off”unda püşk hansı komandanı rəqib edəcək. Hərçənd, keçiləsi bir rəqib də yoxdu, hər halda, gözləyək də”.
Mirələm Həsənli (“Sportlife.az” saytı): “Düzü "Neftçi"nin mərhələ keçəcəyinə inamıım azdı. Məncə "Neftçi" Avropa Liqasının pley-off mərhələsində münasib rəqiblə düşmələrinə ümid etməlidi. Yenə də çox istərdim ki, komandamız qalib gəlsin. Amma çətin ki, belə bir şey mümkün olsun”.
Elgiz Abbasov (“Futbol11.az” saytı): “İlk oyundakı nəticə artıq çox şeydən xəbər verir.İnanmıram ki, "Neftçi" Bakıda nəsə möcüzə etsin. Çünki hər hansı Azərbaycan klubu hələ ki, buna qadir deyil. Məncə, möcüzə ancaq sözlərdədir. Artıq Neftçi də Avropa Liqasının pley-offunu düşünür. Üstəlik, 3 futbolçunu transferə çıxarmaq düşərgədə vəziyyəti sabitlik həddindən çıxarıb. "Neftçi" bu oyunda qələbə qazana bilər, amma bu, mərhələ keçmək üçün yetməyəcək”.
Kənan Məstəliyev (“Rekord.az" saytı): "Neftçi"dən qələbə gözləyirəm. Ən azından reytinq xalımızı artırmaq üçün bu vacibdi. Hesaba gəlincə, qarşılaşmanın 3:1 hesabıyla "Neftçi"nin xeyrinə bitəcəyini gözləyirəm”.
Rəşad Ergün ("Komanda" qazeti): "Məncə oyun heç-heçə bitəcək. "Neftçi" artıq Avroliqanı düşünməlidi. Bu oyunada sırf Avroliqanı düşünərək yanaşmalıdı".
