AZAL-ın futbolçusu, 11 qolla bombardirlər siyahısında ikinci yerdə qərarlaşan Junior Nildonun Korner.az saytına müsahibəsi
– Komandanızın "Neftçi"yə məğlubiyyəti ilə bağlı nə deyərdin?
Biz bu oyuna qələbə üçün çıxmışdıq. "Neftçi" güclü komandadı və bizim üçün çətin olacağaını bilirdik. Oyunun əvvəllərində qol imkanlarımız oldu. Onlardan yararlana bilsəydik, indi hesab başqa cür olardı. Bu oyunda bacardığımızı etdik. Amma çox təəssüf ki, məğlub olduq.
– Bu məğlubiyyət ilk "altılıq" şanslarınızı da azaltdı. Səncə, AZAL ilk "altılıq"da çıxış edə biləcəkmi?
Bizim hələ qabaqda oyunlarımız var. Bu çətin iş olsa da inanıram ki, biz "altılıq"da olacayıq. Buna görə də sonadək mübarizə aparacağıq.
– Premyer Liqanın ən sərrast ikinci futbolçususan. Öz oyunun haqqında nə deyə bilərsən?
Meydanda olduğum zaman qol vurmağa çalışıram. Komandam üçün əlimdən gələni edirəm. Edə biləcəklərim bunlardı.
– Gələn tur "Bakı" ilə qarşılaşacaqsınız. Səncə, bu oyunda qələbə qazana biləcəksiz?
"Bakı" çox yaxşı komandadır. Onlar çempionluq uğrunda mübarizə aparır. Amma biz də "altılığa" düşmək üçün bu oyunda qalib gəlməliyik. Qalib gəlmək üçün əlimizdən gələni edəcəyik.
– Ümumilikdə AZAL-ın zəif çıxışının səbəbi nədi?
Mənim kimi, hamı əlindən gələni edir. Bir az bəxtimiz gətirmir. AZAL çox yaxşı komandadır. Mən komandamdan razıyam.
– Mövsümün sonunda komandanızdan nə gözləyirsən?
Bu haqda danışmaq hələ tezdi. Bunu zaman göstərəcək. İnanıram ki, hər şey yaxşı olacaq.
Adil Mirzəzadə
