Bu gün Topaz Premyer Liqada 18-ci turu çərçivəsində baş tutan “Zirə” “Keşlə” qarşılaşmasında qonaqlar qalib gəliblər.
Oyundan sonra “Zirə”nin futbolçusu Jozef Boum jurnalistlərin suallarını cavablandırıb.
-Uzun fasilədən sonra ilk dəfədir ki, meydana qayıtmısan. Bunla bağlı fikirlərinizi öyrənmək istərdik. Bunun səbəbi zədə idimi?
– Bəli
– Bugünkü məğlubiyyətin səbəbi nə idi?
– Hər bir komandanın belə vaxtları olur. Düşünürəm ki, tez bir zamanda bu çətinlikdən çıxacağıq.
– Ardıcıl məğlubiyyət nə ilə bağlıdır? Uduzduqca motivasiya düşür, yoxsa fasilədən sonra təmbəllik yaranıb?
– Bilirsinizmi, belə vəziyyətlərin bir səbəbi olmur. Çox səbəb saya bilərik, lakin bizim vəzifəmiz bunun öhdəsindən gəlməkdir.
– Bu gün hücum edən də siz oldunuz, məğlub olanda. Nəticə ədalətlidirmi?
– Futbol belədir. Bəzən hücum edən də sən olursan, məğlub olanda. Futbol səhvlər üzərində qurulub. Onlar da səhvimizdən istifadə etdilər.
– Ayxan Abbasov “Qəbələ” ilə oyuna görə tribunadaydı, Riçard Qadze də oyunda yox idi. Bu 2 faktorun məğlubiyyətdə rolu varmı?
-Bəli, əlbəttə. Bu komandanı bütovləşdirən amillərdir. Onların yanımızda olmaması ailənin bir parçasının olmaması kimi idi.
– Qışdan əvvəl düşünürdük ki, “Zirə” ikincilik üçün yarışacaq, lakin indi 3-cü yer də əldən gedir. “Sumqayıt” yaxınlaşır. Bu sizi narahat etmir?
– Bu, çempionatı daha da maraqlı edir. Hər komandabeıə vəziyətlərə düşə bilər. Bəli indi təhlükəli məqamdayıq amma çalışıb bunu dəf edəcəyik.
