Jiru “Milan”dan ayrılacaq – Rəsmi
13.05.2024 , 20:39
Olivye Jiru mövsümün sonunda “Milan”ı tərk edəcəyini açıqlayıb.
Korner.az xəbər verir ki, futbolçu bununla bağlı İnstaqram hesabından paylaşım edib.
“Növbəti iki matç “Milan”dakı son matçlarım olacaq. Karyeramı MLS-də davam etdirəcəm. Danışmaqda çətinlik çəkirəm, çünki “Milan” həmişə ürəyimdə xüsusi yer tutacaq”.
Olivier Jiru qısa müddət ərzində MLS komandalarından biri olan “Los Angeles” ilə rəsmi müqavilə imzalayacağı və kluba qoşulacağı gözlənilir.
Cari mövsümdə “Milan”ın heyətində 45 matçda 16 qol vuran və 9 məhsuldar ötürmə edən fransız ulduz, “Milan” karyerasında 130 matçda 48 qol vurub, 20 məhsuldar ötürmə edib.
