İtaliya milli komandasının baş məşqçisi Antonio Konte “Scuadra Azzurra”nın heyətində Pirlo və De Rossinin olmamasını PSG-nin gənc yarımüdafiəçisi Marko Veratti üçün fürsət hesab edir.
Korner.az Goal.Az-a istinadən xəbər verir ki, Konte bu barədə deyib:
“Pirlo və De Rossi hələ də İtaliya millisinə fayda gətirə bilən futbolçulardır. Bununla yanaşı, onların yoxluğu Veratti üçün şans ola bilər. Mən oyunçuları hazırki formasına görə seçirəm. Bütün namizədləri və onların psixoloji durumunu izləyirik. Həm gənc, həm də yaşlı futbolçulara çatdırmaq istəyirəm. Milli komandada ən yaxşılar oynayacaq. İtaliyanın formasını geyinmək istəyən şəxs öz oyunu ilə buna layiq olduğunu übut etməlidir”.
Qeyd edək ki, İtaliya millisi AVRO-2016-nın təsnifat mərhələsində Bolqarıstan, daha sonra İngiltərə ilə qarşılaşacaq.