İtaliyanın .ilgiornale.it saytı futbola sərmayə qoyan bir sıra məşhur şəxslər haqında qısa məqalə yayıb.
Korner.az-ın məlumatına görə, məqalədə "Qəbələ" Futbol Klubunun prezidenti Tale Heydərovdan da bəhs olunub.
Yazı müəllifi qeyd edib ki, Tale Heydərov Azərbaycanın siyasi çevrəsində nüfuzlu şəxslərdən olan Kəmaləddin Heydərovun oğlu və kənd təsərrüfatı, tekstil və sair kimi sahələr üzrə fəaliyyət göstərən "Gilan" Holdinqin rəhbəridi. Məqalədə o da bildirilir ki, klubun təmsil etdiyi şəhərdə 12 min əhali yaşayır, ancaq burda 25 min yerlik stadion inşa olunur.
Yazıda "Anji"nin prezidenti Süleyman Kərimovun Rusiyanın "Qazprom", "Sberbank" kimi şirkətlərinin əsas səhmdarı olması, dünyanın ən varlı biznesmenləri siyahısında 146-cı yerdə olması, Birma Hərbi Xuntasının rəhbəri San Şvinin "Mançester Yunayted"i almaq üçün 1 milyard dollar təklif etməsə də, ölkəsində baş vermiş faciəylə əlaqədar sonradan bu təklifini geri götürməsi, Özbəkistanın "Bunyodkor" klubunun əslində ölkənin 1992-ci ildən prezidenti olan İslam Kərimovun qızı Gülnarə Kərimovanın nəzarəti altında olması və sair kimi faktlar diqqətə çatdırılıb.
