IV İslam Həmrəyliyi Oyunlarında yarışacaq idmançılara qalibiyyət zamanı təqdim olunacaq medallar təqdim olunub.
Korner.az-ın məlumatına görə, bu haqda report.az saytı xəbər yayıb.
Azərbaycan İslam Həmrəyliyi Oyunlarının Əməliyyat Komitəsindən (AİHOƏK) verilən məlumata əsasən, Azərbaycan xalça naxışlarında rast gəlinən və İslam mədəniyyəti ikonoqrafiyasına əsaslanan loqo qızıl, gümüş və bürünc medalların mərkəzində yer alıb.
Ölkənin zəngin tarixini özündə xarakterizə edən bu elementlər “Bakı 2017” İslam Həmrəyliyi Oyunlarının əsas dəyərlərini – sülh, birlik, hörmət və mükəmməlliyi özündə cəmləşdirib. Medalın digər üzündə isə İslam Həmrəyliyi İdman Federasiyasının emblemi əks olunub.
Diametri 80 mm, qalınlığı 9 mm olan medallar “Azərsuvenir” tərəfindən AİHOƏK-in dizayn komandası ilə əməkdaşlıq şəraitində hazırlanıb.
Qeyd edək ki, IV İslam Həmrəyliyi Oyunları mayın 12 – 22-də Bakıda keçiriləcək.
